УЭФА Туркияда бўлиб ўтадиган футбол тадбирлари муносабати билан Истанбулда офис очишга қарор қилди. Бу ҳақда Европа футбол уюшмалари иттифоқи (УЭФА) президенти Александр Чеферин офис очилиш маросимида маълум қилди.
У 2026-йил УЭФА Европа Лигаси ва 2027-йилги Конференция Лигаси финаллари яқинлашаётганини ҳамда 2032-йилги Европа чемпионати аллақачон уфқда эканлигини эслатди. Чеферин, шунингдек, УЭФА келажак учун юқори талабларни белгилашни режалаштираётганини таъкидлади.
«Биз ҳозирда ушбу тадбирларни чинакам ажойиб қилиш учун барча тажрибамиз, билимларимиз ва илғор амалиётларимизни бирлаштирмоқдамиз. Ишончим комилки, биз биргаликда нафақат умидларни оқлаймиз, балки улардан ҳам ошиб кетамиз. Эвро-2032 финали Италия ва Туркияда бўлиб ўтади,» — деди президент ўз нутқида.
Туркия номидан шундай дилдан миннатдорчилик билдирилди: «Ҳукуматимизга, Президент Ражаб Тоййиб Эрдўғанга, Туркия Футбол Федерацияси ва унинг президенти Иброҳим Ҳаcıосмонўғлуга, шунингдек, бизни қўллаб-қувватлаган барча инсонларга чуқур миннатдорчилик билдираман,» — дейилади баёнотда.
