«Ливерпул» клуби фожиали тарзда вафот этган португалиялик ҳужумчи Диогу Жота билан тузилган шартнома бўйича барча молиявий мажбуриятларини тўлиқ бажаришга қарор қилди.
Клуб футболчининг оиласига 2027-йилгача мўлжалланган шартномага мувофиқ барча тўловларни амалга оширади. 2024–2025-йилги мавсумда Жотанинг ҳафталик маоши 140 минг фунт стерлингни ташкил қилган.
Эслатиб ўтамиз, Диогу Жота 2020-йил сентябрь ойида «Ливерпул» сафига қўшилган эди. У клуб таркибида жами 182та ўйинда майдонга тушиб, 65та гол урган ва 26та голли узатма муаллифига айланган.
