Ўзбекистон Республикаси Президентининг Фармони
Аҳоли турмуш даражасини оширишга қаратилган чора-тадбирлар кўламини кенгайтириш, фуқароларнинг даромадларини изчил ошириб бориш сиёсатини давом эттириш ҳамда уларнинг ижтимоий муҳофазасини кучайтириш мақсадида қарор қиламан:
И. Иш ҳақи, пенциялар, стипендиялар ва нафақалар миқдорини ошириш
1. 2025-йил 1-июлдан бошлаб пенциялар ва нафақалар ҳамда кам таъминланган оилаларга болалар нафақалари ва моддий ёрдам тўловлари миқдорлари 10 фоизга оширилсин. Бунда:
(а) ёшга доир энг кам пенсия миқдори – ойига 918 000 сўм этиб;
(б) ногиронлик пенцияларининг энг кам миқдори – ойига 1 012 000 сўм этиб;
(в) кам таъминланган оилаларга болалар нафақасининг ҳар ойлик миқдори:
(и) 3 ёшгача бўлган битта кичик фарзанди учун – 360 000 сўм, 3 ёшдан 18 ёшгача бўлган битта фарзанди учун – 275 000 сўм;
(ии) оиланинг иккинчи фарзанди учун қўшимча – 165 000 сўм;
(иии) оиланинг учинчи ва ундан кейинги ҳар бир фарзанди учун қўшимча – 110 000 сўм этиб;
(г) кам таъминланган оилалар учун моддий ёрдамнинг ойлик миқдори – 420 000 сўм этиб;
(д) фуқароларга тўланадиган бошқа пенциялар ва нафақалар миқдорлари иловага мувофиқ белгилансин.
2. 2025-йил 1-августдан бошлаб буджет ташкилотлари ходимларининг иш ҳақи ва стипендиялар миқдори 10 фоизга оширилсин.
ИИ. Базавий миқдорларни белгилаш
3. Қуйидагилар:
(а) 2025-йил 1-июлдан бошлаб пенцияни ҳисоблашнинг базавий миқдори – ойига 471 000 сўм этиб;
(б) 2025-йил 1-августдан бошлаб:
(и) меҳнатга ҳақ тўлашнинг энг кам миқдори – ойига 1 271 000 сўм;
(ии) базавий ҳисоблаш миқдори – 412 000 сўм этиб белгилансин.
ИИИ. Молиявий ресурслар
4. Буджет ташкилотлари ходимларининг иш ҳақлари, пенциялар, стипендиялар ва нафақалар миқдори оширилиши билан боғлиқ харажатлар Ўзбекистон Республикаси Давлат буджети ҳамда Иқтисодиёт ва молия вазирлиги ҳузуридаги буджетдан ташқари Пенсия жамғармаси маблағлари ҳисобидан қоплансин.
ИВ. Фармон ижросини ташкил этиш, таъминлаш ва назорат
5. Иш берувчиларга иш ҳақи миқдорини қонунчилик ҳужжатларида белгиланган меҳнатга ҳақ тўлашнинг энг кам миқдоридан кам бўлмаган ҳолда тўлашни таъминлаб, иш ҳақи миқдорини меҳнатга ҳақ тўлашнинг энг кам миқдорига мувофиқ ошириш тавсия этилсин.
6. Иқтисодиёт ва молия вазирлиги Ижтимоий ҳимоя миллий агентлиги, Ўзбекистон Миллий ахборот агентлиги, Ўзбекистон Миллий телерадиокомпанияси ҳамда Ахборот ва оммавий коммуникациялар агентлиги билан биргаликда ушбу Фармоннинг мақсади, вазифалари ва ундан кутилаётган натижаларни оммавий ахборот воситалари, Интернет ва ижтимоий тармоқларда кенг ёритиш ишларини ташкил қилсин.
7. Мазкур Фармоннинг ижросини таъминлаш учун масъул ва шахсий жавобгар этиб Бош вазир ўринбосари Ж.А. Қўчқоров белгилансин.
8. Фармон ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти
Ш. Мирзиёев
