Илҳом Алиев Ўзбекистон терма жамоасининг Жаҳон чемпионатига чиқишини тарихий ютуқ, дея эътироф этди
Озарбайжон президенти Илҳом Алиев Ўзбекистон раҳбари Шавкат Мирзиёевни футбол бўйича Ўзбекистон миллий терма жамоасининг 2026-йилги Жаҳон чемпионати финал босқичига йўл олгани билан табриклади.
«Бугун учрашувимизни бошларканман, аввало, муҳтарам Шавкат Миромоновични ўз номимдан ва бутун Озарбайжон халқи номидан тарихий ютуқ – Ўзбекистон терма жамоасининг Жаҳон чемпионати финал босқичига чиққани билан табрикладим. Бу муваффақият тасодифий эмаслигини таъкидладим. Бу – ўзбек спортчиларининг халқаро майдонлардаги шонли ютуқлари, жумладан, Ёзги Олимпия ўйинларидаги тарихий ғалабаларнинг мантиқий давоми», – деган Илҳом Алиев.
Эслатиб ўтамиз, бундан аввал Шавкат Мирзиёев Озарбайжон президентини мини-футбол бўйича Жаҳон чемпионатида эришилган ғалаба билан табриклаган эди.
