Ijtimoiy tarmoqlarda Namanganda yuk mashinasi ishtirokida yoʻl transport hodisasi sodir boʻlganligi haqidagi videotasvirlar tarqaldi. Holat yuzasidan Namangan viloyati IIB JXX YHXB quyidagilarni maʼlum qiladi.
2023-yil 02-may kuni soat 15:00 larda 4R-112 “Fargʻona xalqa yoʻli” avtomobil yoʻlining 46 km.da “HOWO” rusumli avtomashina “Chust-Namangan” yoʻnalishida harakatlanib, yoʻlning qarama-qarshi yoʻnalishiga oʻtib ketgan. Natijada “Namangan-Chust” yoʻnalishida harakatlanayotgan “ISUZU” rusumli avtomashinasi bilan toʻqnashgan.
Hodisa oqibatida har ikki transport vositasi texnik shikastlangan. Tan jaroxati olgan haydovchilarga birinchi yordam koʻrsatilib, shifoxonaga yuborilgan.
Namangan viloyati IIB YHXB Axborot xizmati
