Саида Мирзиёева Огулжаҳон Гурбангулиевна Атабаева хонимнинг таклифларига биноан Туркманистонда ташкил этилган «Тинчлик ва ишонч йили: болалар учун халқаро фаолиятни ривожлантириш» номли халқаро конференцияда қатнашди.
"Халқларимизни нафақат қўшничилик, балки асрлар давомида шаклланган қон-қардошлик алоқалари, умумий маданият ва буюк тарих боғлаб туради.
Айниқса, Гурбангули Бердимуҳамедов номидаги хайрия жамғармасининг фаолияти менда катта таассурот қолдирди — бу болаларга ғамхўрлик, масъулият ва самимий муҳаббатнинг ёрқин намунасидир.
Ишончим комилки, бугунги форум келажак авлодлар манфаати учун ҳамжиҳатликда ишлаш, тажриба алмашиш ва ўзаро самарали алоқалар учун янги имкониятлар очади. Биз ҳамкорликка доим тайёрмиз ва биргаликда фарзандларимиз учун бундан ҳам кўпроқ ишларни қила олишимизга ишончимиз комил. Чунки уларнинг бахти — бизнинг умумий келажагимиздир", – деб ёзади Президент ёрдамчиси.
