Toshkent viloyati Bo‘stonliq tumanida 8 mlrd so‘mlik 20 kg kuchli ta’sir qiluvchi moddalarni sotayotgan shaxs ushlandi. Bu haqda poytaxt Ichki ishlar boshqarmasi xabar berdi.
Qayd etilishicha, poytaxt IIBB Tezkor qidiruv xizmati va boshqa boshqa huquqni muhofaza qiluvchi organlar bilan o‘tkazilgan tezkor tadbirda muqaddam sudlangan, 1994 yilda tug‘ilgan D. va 1999 yilda tug‘ilgan F. Toshkent viloyati Bo‘stonliq tumanida 20 kg kuchli ta’sir qiluvchi moddalarni sotayotganda ushlangan. Tezkor tadbir davomida daliliy ashyo sifatida olingan kuchli ta’sir qiluvchi dorilarning narxi 8 mlrd so‘mga teng ekani, u 100 ming kishini zaharlashi mumkin bo‘lgani aniqlangan.
Bildirilishicha, mazkur holat yuzasidan Jinoyat kodeksining 2511-moddasi (Giyohvandlik vositalari, ularning analoglari yoki psixotrop moddalar hisoblanmaydigan kuchli ta’sir qiluvchi moddalarni targ‘ib qiluvchi mahsulotni tayyorlash, tarqatish, reklama qilish, namoyish etish yoki bunday moddalarni yoxud zaharli moddalarni qonunga xilof ravishda muomalaga kiritish) 5-qismi va 246-moddasi (Kontrabanda) 1-qismi bilan jinoyat ishi qo‘zg‘atilgan va gumonlanuvchilarga nisbatan qamoqqa olish ehtiyot chorasi qo‘llangan.
Eslatib o‘tamiz, avvalroq Toshkent viloyati IIBB va DXX viloyat boshqarmasi hamkorligida o‘tkazilgan “Xavfsiz hudud” tezkor tadbirida 1 mlrd so‘mlik kuchli ta’sir qiluvchi psixofaol dori vositalarini saqlagan shaxs qo‘lga tushgan edi.
