“O‘zbekiston – 2030” strategiyasiga ko‘ra:
- Iqtisodiyotda nodavlat sektor ulushi 85 foizga yetkazilib, davlat ulushi mavjud 2,3 mingta korxonalar soni 6 barobarga kamaytiriladi
- 17 turdagi davlat monopoliyasi bekor qilinib, xususiy sektor keng jalb qilinadi, davlat tasarrufida faqat magistral energiya va transport tarmoqlari, davlat boshqaruvi va xavfsizligi bilan bog‘liq sohalar saqlab qolinadi
- Temir yo‘lda tashish, avtomobil yo‘llarini qurish va boshqarish, gaz va elektr yetkazib berish xizmatlari xususiy sektorga o‘tkaziladi.
- Irrigatsiya, chiqindilarni qayta ishlash, ijtimoiy obyektlarda energetika va issiqlik ta’minoti tizimini boshqarish kabi davlat monopol sohalarida xususiy sheriklik mexanizmlari keng joriy etiladi
- Biznesga noqonuniy aralashuvlarga yo‘l qo‘yilmaydi va xususiy mulk daxlsizligi siyosati qat’iy ta’minlanadi
- Mahalliy tadbirkorlik subyektlariga strategik foydali qazilma konlarini berish amaliyoti kengaytiriladi, oltin, kumush, volfram, ko‘mir hamda noruda konlarga berilgan ruxsatnomalar soni 4 barobar oshiriladi
- Soliq tizimining barqarorligini ta’minlash maqsadida biznes uchun qo‘shilgan qiymat, foyda, aylanma va mol-mulk soliq stavkalari oshirilmaydi
- Soliq tizimini to‘liq raqamlashtirish, soddalashtirish va barcha tadbirkorlar uchun teng imkoniyatlar yaratish, rasmiy sektor – nolegal faoliyatdan afzal va manfaatli bo‘lishi uchun barcha zarur sharoitlar ta’minlanadi
- Kichik va o‘rta biznesni xalqaro bozorlarga chiqishiga imkoniyatlar kengaytiriladi, mikro moliyalashtirish rivojlantiriladi, innovatsiyalar va startaplar qo‘llab-quvvatlanadi hamda yirik biznes bilan kooperatsiyani rivojlantirishning yangi instrumentlari amaliyotga joriy etiladi
- Oilaviy tadbirkorlik asosida bandlikni ta’minlashda oddiy “qo‘l mehnati”dan – sanoatlashgan ishlab chiqarish bosqichiga o‘tiladi, uskuna sotib olish uchun imtiyozli kredit miqdori 100 million so‘mgacha oshiriladi
Tadbirkorlik subyektlariga barcha xizmatlar “yagona darcha” tamoyili asosida onlayn portal orqali ko‘rsatiladi