O‘zbekiston tashqi ishlar vaziri Baxtiyor Saidov bugun mamlakatimizda diplomatik missiyasi yakunlangani munosabati bilan Bangladesh elchisi Jahongir Alamni qabul qildi. Bu haqda vazirning o‘zi telegram-kanalida xabar berdi.
“Mamlakatimizdagi Bangladesh Elchixonasi rahbari sifatidagi uch yillik faoliyatini yakunlayotgan Elchi Jahangir Alam bilan uchrashishdan mamnunmiz. Elchi janoblariga diplomatik faoliyati davomida O‘zbekiston-Bangladesh aloqalarini boyitish yo‘lidagi sa’y-harakatlari uchun minnatdorchilik bildiramiz va kelgusi faoliyatida muvaffaqiyatlar tilaymiz”, – deb yozgan Baxtiyor Saidov.