O‘zbekiston bosh konsuli Fariddin Nasriyev Qozon federal universitetining Fundamental tibbiyot va biologiya institutida malaka oshirishda bo‘lib turgan Andijon davlat tibbiyot instituti professor o‘qituvchilari bilan uchrashuv o‘tkazdi, deb xabar bermoqda “Dunyo” AA muxbiri.
Muloqot avvalida diplomat Bosh konsulxona faoliyati haqida maʼlumot berdi. Volgabo‘yi federal okrugining 14 ta hududida O‘zbekiston Bosh konsulxona ish olib borayotgani, konsullik idorasining saʼy-harakatlari mintaqalararo aloqalarni rivojlantirish, iqtisodiy, madaniy va taʼlim sohalarida hamkorlikni kengaytirishga qaratilganligi taʼkidlandi.
Bosh konsul so‘nggi yillarda mamlakatimizda olib borilayotgan islohotlar o‘zinining samarali natijalarini berayotganini qayd etdi. Joriy yil aprel oyida bo‘lib o‘tgan O‘zbekiston Konstitutsiyasiga o‘rgartishlar kiritish bo‘yicha referendum yakunlariga eʼtibor qartildi. Shuningdek, 9 iyul kuniga belgilangan muddatidan ilgari Prezident sayloviga ko‘rilayotgan tayyorgarlik jarayonlari, nomzodlar va ular tomonidan ilgari surilayotgan dasturlar haqida so‘zlab berildi.