Home Shou-biznes Самарқандда «Nexia»да 141 кг сифатсиз гўшт олиб кетаётган ҳайдовчи ушланди

Самарқандда «Nexia»да 141 кг сифатсиз гўшт олиб кетаётган ҳайдовчи ушланди

0

Самарқанд вилояти Булунғур туманида «Nexia»да 141 кг сифатсиз гўшт олиб кетаётган ҳайдовчи ушланди. Бу ҳақда вилоят Ички ишлар бошқармаси ахборот хизмати хабар берди.

Хабарга кўра, туманда жойлашган Юқори нуқта йўл-патруль хизмати масканида ички ишлар бўлими ходимлари томонидан Қашқадарё–Тошкент йўналишида ҳаракатланиб келаётган М.Ф. бошқарувидаги «Nexia» русумли автотранспорт воситаси тўхтатиб текширилган. Машина юкхонаси ҳамда салон ичида ветеринария-санитария талабларига жавоб бермайдиган 141 килограмм оғирликдаги гўшт маҳсулотлари олиб кетилаётгани аниқланган.
Шунингдек, ушбу автомашина билан бирга ҳаракатланиб келаётган Н.Б. бошқарувидаги «Nexia» русумли автотранспорт воситаси текширилганда, унинг юкхонаси ва салони ичида ветеринария-санитария талабларига жавоб бермайдиган, келиб чиқиши номаълум бўлган 46 килограмм оғирликдаги гўшт маҳсулоти борлиги аниқланган.
Экспертиза текширув натижасига кўра, ушбу гўшт маҳсулотлари истеъмолга яроқсизлиги аниқланиб, тегишли тартибда йўқ қилинди.
Previous articleXorijiy tillarni o‘qitishga ixtisoslashtirilgan 207 ta maktab tashkil etiladi
Next articleЎзбекистон Республикасида хорижий тилларни ўрганишни оммалаштириш фаолиятини сифат жиҳатидан янги босқичга олиб чиқиш

LEAVE A REPLY

Please enter your comment!
Please enter your name here