“Energetik-BGU” klubi va O‘zbekiston milliy jamoasi himoyachisi Abduqodir Husanov “Lans” klubi a’zosiga aylandi. Bu haqda fransuz klubi matbuot xizmati xabar berdi.
Manba xabariga ko‘ra, Abduqodir Husanov klub bilan 4 yillik shartnoma tuzgan va ushbu jamoa safida 25-raqam ostida o‘ynaydi.
Ma’lumot uchun “Lans” klubi o‘tgan mavsum Fransiya chempionatida “PSJ”dan (85) bir ochko kam (84) jamg‘arib, 2-o‘rinni egallagan holda yangi mavsumdan Yevropa Chempionlar ligasida ishtirok etadi.
