Xabaringiz bor, para yengil atletika boʻyicha Parij shahri mezbonlik qilgan jahon chempionatida matonatli paralimpiyachilarimiz ushbu musobaqada 6 ta oltin, 7 ta kumush va 4 ta bronza, jami 17 ta medal qoʻlga kiritgan holda umumjamoa hisobida sayyoramizda 8-oʻrinni egallashdi.
Parijdagi jahon chempionatida muvaffaqiyatli ishtirok etgan para yengil atletika boʻyicha terma jamoamiz aʼzolari yurtimizga qaytib kelishdi.
Qahramonlarimiz Toshkent xalqaro aeroportida Yoshlar siyosati va sport vaziri oʻrinbosari Shahrullo Mahmudov, Osiyo Paralimpiya qoʻmitasi vitse-prezidenti – Oʻzbekiston Milliy paralimpiya qoʻmitasi raisi Muxtorxon Tashxodjayev, qoʻmita mutasaddilari, ommaviy axborot vositalari xodimlari, ota-onalar hamda keng jamoatchilik vakillari tomonidan tantanali kutib olindi.
