Joriy yilning 4-15-iyul kunlari Italiya davlatining Teramo shahrida gandbol bo‘yicha “50th Interamnia World Cup” musobaqasi o‘tkazildi.
Ushbu o‘ziga xos Jahon kubogida beshta qit’aning 46 davlatidan tashrif buyurgan 100 dan ziyod yoshlar va qizlar, erkaklar va ayollar jamoalari g‘oliblik uchun kuch sinashdi.
Quvonarlisi, mazkur musobaqada toshkentning Respublika olimpiya va paralimpiya sport turlariga tayyorlash markazi va olmaliqning AGMK jamoalari mamlakatimiz sharafini munosib himoya qilishdi. Xususan, poytaxt jamoasi 18 yosh va undan kattalar birinchiligida, Toshkent viloyatining AGMK jamoasi 21 yosh hamda undan kattalar o‘rtasida g‘oliblikni qo‘lga kiritdi.
Ta’kidlash lozimki, gandbolchilarimiz Kanada, Germaniya, Jazoir, Liviya, Puerto-Riko, Urugvay, Fransiya, Hindiston, Madagaskar, Xitoy, Italiya, Qozog‘iston, Tunis, Tayvan va Falastin jamoalariga qarsha maydonga tushib, yuksak natijaga erishishdi.
