NATO davlatlari 11–12-iyul kunlari alyansning Vilnyusda bo‘lib o‘tadigan sammitida Ukrainaga hamkorlikning qanday shakllarini taklif qilish bo‘yicha haligacha kelishmagan. Bu haqda diplomatlarga tayanib The Washington Post nashri xabar berdi.
Qayd etilishicha, AQSH va NATOga a’zo boshqa davlatlar rasmiylari Kiyev bilan ikki tomonlama yoki ko‘p tomonlama “o‘zaro mudofaa paktlari” hamda “xavfsizlik memorandumlari”ni ishlab chiqishga e’tibor qaratmoqda. Ko‘pgina ittifoqchilar mamlakat hududidagi mojaro davom etayotgan bir paytda uning ittifoqqa qo‘shilishi masalasini hatto muhokama qilishning iloji yo‘q, deb hisoblagan. NATOning boshqa a’zolari Ukrainaning “surunkali korrupsiya muammosini” hal qilgan holda a’zolikka tayyor ekanligiga shubha qilmoqda.
