O‘zbekiston iftixori, boks bo‘yicha Jahon va Osiyo chempioni, bojxona xodimi Shahram G‘iyosov Harold Kalderon ustidan g‘alaba qozondi
AQSHning Nyu-Orlean shahrida o‘tkazilgan WBA Eliminator jangida Shahram G‘iyosov amerikalik tajribali Harold Kalderon bilan to‘qnash keldi. G‘iyosovning ustunligi ostida kechgan bahs yakunida hakamlar bir ovozdan uning g‘alabasini e’lon qildi. Hisob – 120:108, 118:110, 116:112.
12 raundga mo‘ljallangan mazkur jang yakunlariga ko‘ra hakamlarning yakdil qarori bilan hamyurtimiz Shahram G‘iyosov g‘alaba qozondi. Natijada G‘iyosov 14-jangidagi 14-g‘alabasini qo‘lga kiritib, WBA chempionlik kamari uchun majburiy da’vogarga aylandi.
