2023-yil 16-iyun kuni soat 23:30 larda, Yangihayot tumaniga xizmatga jalb qilingan YPX inspektori S.Dushanov, kinologiya xizmati xodimi safdor G.Fayziyevlar tomonidan Yangihayot tumani Binokor koʼchasi boʼylab harakatlanib kelayotgan, Matiz rusumli avtomobil toʼxtatilib, hujjatlarini tekshirilganda yo’lovchisi 1999-yilda tug’ilgan D.X. xodimlarda shubha uyg’otgan, xolislar ishtirokida koʼzdan kechirilganda yonidan jigar rangli, o’tkir hidli saqichsimon modda topilgan.
“Mazkur holat yuzasidan tegishli hujjatlar rasmiylashtirilib, fuqaro va aniqlangan modda Yangihayot tumani IIO FMBga topshirilgan”, – deyilgan Toshkent shahar IIBB YHXB Аxborot xizmati xabarida.
